Тувыра

Районышто 57 школ. Тушто 5603 йоча тунемеш да 650 туныктышо пашам ышта. 41 школышто марий йылме дене туныктымаш мия, вес мут дене каласымаште, 90% марий йоча шочмо йылмым тунемеш. Тугак 9 школышто татар йылмым да 4 школышто пошкырт йылмым тунемыт.

Мишкан районысо марий калык шкенжын традицийжым аралла да кертмыж семын кумданда. Тидын шотышто шагал огыл пашам марий ансамбль “Эрвел” намиен шога. Ынде 40 ий наре тудо шкенжын пашаж дене калыкым куандара, марий традицийым ончыко шуя. Тиде ансамбль шуко гана Всероссийский ден республиканский фестиваль да конкурс - влакын лауреатше лийын. Кызыт тиде ансамльым Пошкырт эл тувыран сулло пашаенже Яныбай Янгубаев вуйлата.

Мишкан районеш марий калыкын лумло енже-влак шукын шочын - кушкыныт да вийым погеныт. Нунын коклаште: марий литературын классикше Яныш Ялкайн, художник Светлана Шамаева, драматург Флорида Булякова, композитор Алексей Искандаров. Поэт - влак Шайхазада Бабич да Анатолий Бик, писатель Али Карнай. Мурызо - влак Изибаев-Бирь, Шамиль Хамадинуров, куштышо Алексей Байгазов да шуко молат.